أشهر الخناقات بين المرضي وطبيب المخ والأعصاب
#بوست_الجمعه النهارده عن أشهر سؤال و أشهر خناقه بين المريض و دكتور المخ و الأعصاب و اكتر خناقه أنا شخصيا بأشيل همها😂
هأمشي علي العلاج ده لإمتي😏؟
هو أنا هأفضل علي العلاج ده علي طول 😤؟
زهقت من العلاج و عايز أبطله😡
اول ما أسمع الاسئله دي
بأقول ياختاااي..بدأنا الخناقه 😂
هأحاول أختصر اهم و أشهر أمراض المخ والأعصاب و مدد علاجها
١- التشنجات و الصرع و الكهرباء الزايده:
تختلف من حاله لأخري و قانون أن العلاج سنتين لا يناسب الجميع
فهناك حالات زي نوبات التغيب و حالات التشنج الرولاندي الحميد في الأطفال
Childhood absence and benign rolandic epilepsy
بيستمر العلاج فيها حتي سن البلوغ تقريبا
و هناك حالات تستلزم العلاج مدي الحياه زي
الحالات اللي فيها إصابات بالمخ و زي حالات المصحوبة بفزه
Juvenile myoclonic epilepsy
٢-الصداع:
علاج الصداع النصفي:
مده العلاج الوقائي زي VPA و TPM
و حديثا AIMOVIG
لا يوجد مدد ثابته و لكن المتوسط من ٦ شهور إلي سنه و قد تتجدد مع تجدد الصداع
علاج الصداع التوتري .. شهور و قد تتجدد و لكنه ليس مدي الحياه
علاج الصداع العنقودي الموسمي .. علاج فقط وقت موسم الصداع ثم يوقف
الأدوية الوقائية مهمه جدا لأنها بتقلل و بتمنع الصداع و بالتالي بتقلل استهلاكنا المفرط للمسكنات.
٣- جلطات المخ :
تشمل علاج مدي الحياه كادويه السيوله زي الأسبرين و علاج الضغط و السكر و القلب و الدهون و هناك أدويه مش مزمنه زي مثلا المنشطات الذهنية و المكملات و باسط العضلات .
٤- الآم الاعصاب:
مثل أدويه الام العصب الخامس و الآم الاعصاب الطرفيه في حالات السكر و الآم ما بعد الحزام الناري ز ي CBZ و GBP
المدد فيها متفاوته و لكنها علي الاقل شهور و ليست أيام أو أسابيع.
٥- الام اس او التصلب المتعدد :
العلاج الوقائي من الهجمات زي الانتروفيرون و الحبوب و المحاليل الشهريه او النصف سنويه
مدد العلاج طويله تصل سنوات و يمكن خلالها الانتقال من علاج لآخر حسب نشاط المرض و هناك فرصه لإيقاف العلاج في بعض المرضي اذا توقف نشاط المرض نهائيا أكثر من ٥ سنوات.
٦- مرض الباركنسون او الرعاش :
العلاج فيه مدي الحياه لأنه العلاج بيعوض ماده الدوبامين الناقصة بالمخ زي ما الانسولين بينقص في مرض السكر لذا وجب تعويضه طول الوقت.
٧- ألزهايمر :
مدد العلاج بأدويه الذاكره و الالزهايمر مدي الحياه الي جانب طبعا الأدوية الاخري .. و لازم دايما نفتكر هدف ادويه ألزهايمر هو تثبيت الحاله قدر الإمكان و ليس تحسينها.
٨- الأدوية المستخدمة لعلاج اضطرابات التوحد و فرط الحركة و الاضطرابات السلوكية في الأطفال.. ليس لها مدد محدده و يجب الاستمرار عليها طالما الطفل مستفيد منها.
٩- الرعشة الاساسيه essential tremors
رعشه في الايدين لما نمسك حاجه او نكتب و هي رعشه مزمنه
و دي علاجها عرضي و التحسن فيها مرتبط بأخذ الدواء لذا علاجها مدي الحياه .
١٠- علاج أطفال الشلل الدماغي CP و أطفال التأخر العام أيا كان سببه :
فيه علاج مزمن و مستمر
زي مثلا مضادات الصرع و باسط العضلات و العلاج الطبيعي و التخاطب
و فيه علاج بيتغير و مدته مش ثابته زي المكملات و الفيتامينات و المنشطات الذهنية
الغريب بقي أن تلاقي المريض بيتخانق عشان عايز يسيب الدوا
بس مش عايز يسيب السجاير و لا الشيشه و منتظم عليهم و متمسك بيهم اكتر من الدوا نفسه .. 😂
متعكم الله بالصحه والعافيه
